BAMBA vel WAMBA

BAMBA, vel WAMBA

ab aratro ad sceptrum vocatus, et stimuli ger minantis miraculô confirmatus, evasit Rex Gothorum XXXI. in Hispan. invitus throno im positus est, post Recesiuntem. Auditô Hildericum Comitem Nemausensem quae dam in Aquitania

turbâsse, misit contra illum exercitum, sub Paulo, praedecessoris sui agnato. Qui pace cum Comite factâ, Narbonae se Regem fecit, Provinciamque totam diripuit. Quam perfidiam ultus est Bamba, et redux classem 160. navium, quâ Arabes ex Africa in Hispaniam appulsi mare infestabant, oppressit. Interea Eurigus, gener Reccesiunti, venenum Regi propinat, cuius vi in Monasterio quodam obiit, A. C. 680. regni 8. sed 1. Canon Concilii Tolerani 8. an. 681. coacti, ad Eruigum eligendum, notat Bambam ei thronô cessisse. Roderic. Hist. Hisp. l. 2. c. 1. et seqq. Mariana l. 6.